"La Panissa"
(Tipich risòt con ij faseuj a la Santhiatèisa)
Con n' arseta sentenaria
tramandà fin-a a-j nòs di,
a l'e n'art colinaria
cusinè ës bon piat chi.
J'ingredient son tuti 'd ca,
salam, faseuj, lard e ris.
robi semplici e arnumà,
per la cusin-a di nòs pais.
Fé frise ant ël pareu,
sigula e lard ben ciapulà,
preparé ël bròd con i faseu,
al salam oncc tut sbrisulà.
Buté el ris, felo doré,
rosmarin e sal regulà,
giunté ël bròd sensa ruiè,
giré ël tut sul dlicà.
Per ai buchi pusè fini
na variante da prové,
quasi a fin ëd la cutura
'n bicer ed vin bon venta giunté.
Vint minuti ai cheuss al ris,
la panissa lé preparà,
buté al peiver prima d'servi,
per chi 'j piass, al furmagg raspà.